موضوع كامل عن فيزا الخطوبه k1

من طرف admin الثلاثاء مارس 30, 2010 1:06 am

بسم الله الرحمن الرحيم

انا يا جماعه بقالي فتره طويله كل يوم اتصفح المنتدي عن اي جديد وقولت اعمل موضوع كامل عن الفينسيه فيزا وربنا يجعله في ميزان حسناتي ويكون اجري عند خالقي .

أولاً : الاجراءات الابتدائيه .

بما ان الموضوع عن تجربتي هيكون كالاتي .

أ- خطبتك لازم تيجي مصر علشان تكسر اول عقبه وهي انكم تتقابلوا وجه لوجه . طبعاً هتاجر شقه ولازم يكون معاك كاميرا طبعاً صور في الهرم وفي المتحف وفي الشقه ويسلام اصحابك تعزمهم يجوا وتصور اهللك المهم الصور تكون معبره عم مدي الارتباط بينك وبين خطيبتك فهمين طبعاً وديه اول خطوه ولازم تعملها.

ب- دبله حلوة عليها اسمك واسمها كل واحد فيكوا يعني تمام لحد كده

ج - خطيبتك وهي ماشيه تاخد نسخه من الصور وكمان لو في فواتير انت محتفظ بيها من كافيات حلوة ده بيكون دليل علي انكم كنتوا بتخرجوا مع بعض ظبط نفسك يعني . طبعاً تخلي باللك ان الصور بتفضح وبتظهر مدي قوة العلاقه يعني متتصورش وانت مكشر وقرفان ابتسم واضحك خليك كوووول يا مان

ثانياً : خطبتك تعمل ايه لما تكون في امريكا

1- الابليكشن بتاع الخطوبه تملها وظبتهه بالبيانات وترفق معاه الصور والفواتير وتستني لحد لما يردوا عليها انهم استلموا الورق

2- طبعاً خلال الفتره ديه جوابات جوابات جوابات منها ليكي بلاش اميلات الجوابات زي منا قولتلك اقوي

3- كمان لو فيه تليفونات حاول تحصل علي الفواتير الي بيتسجل فيها الرقام طبعاً انت بتسال ليه الكلام ده . يافالح الكلام ده علشان الانترفيو فهمت علشان القنصل لما يسالك معاك اي اثبات ان العلاقه لسه تمام ترحوا انت مطلع الصور والجوابات والفواتير وتقوله نقي واختار علشان مكنش ليه حجه

4- طبعاً الوقت بتاع الورق هناك ممكن ياخد من 6 الي 8 اشهر لحد ما يجي هنا علي السفاره

5 - طبعا ممكن يتطلب منها انها تبعتللك فورم تملها عن بيناتك الشخصيه تملها وتبعتها وبلاش تتكاسل لازم تساهم معاها شويه فهمت .

ثالثاً : لما الورق يجي السفاره هنا في مصر

طبعاً انت فرحان ومش مصدق ان الهوم لاند سكيورتي وفقت وكله تمام انا كمان فرحان ليك بس اصبر في شويه حاجات انت لسه هتعملها يله صحصح معايا وركز اوكي

1- السفاره هتبعتلك حاجه اسمها pack 3 يا جماعه ده بقي الجزء الاهم في الموضوع علشان مطولش في الانتظار . طيب يا سانتوس هنعمل ايه حاضر انا هقولكم خطوة بخطوة اوكي

1- اول حاجه في كام فورم كده هتملاهم عباره عن معلومات ( السكن _ التليفون _ رقكمباسبورك كده يعني انت طبعاً مش محتاج افهمك انت اكيد هتعرف تملاهم خلينا في الجزء الاهم ( ورقه الضمان المالي طبعاً هي هتكون الضامن ) متنساش النقطه ديه

2- الميديكال طبعاً هتعمله في أقرب مستشفي موجوده فب الورق هما هيقولوا عن الاماكن الي انت هتعمل يها الميدكال وهلي باللك انه بياخد اسبوع وان شاء الله تكون زي البمب

3- صوره من شهاده الميلاد تنجز وتجيب شهاده الميلاد من السجل المدني علشان انت هتعوز الاصل في المقابله

4- صوره من شهاده الجيش

5- صوره من الباسبور

6- 2 صوره حلوين ليك 5*5 طبعاً ده المتعارف عليه
7- طبعاً ايصال سي اي بي 131 دولار يا صحبي

اهم حاجه ورقك يكون مظبوط علشان تنجز ومستناش كتير .

ظبت ورقك كله تمام عشره علي عشره يله اعتمد علي الله وابعته للسفاره . عارف عارف هتسالأ وتقول المده اد ايه الي ابعت فيها الورق بعد ما يبعتولي هجاوب واقولك up to you يعني كل ما تخلص بدري معادك يكون بدري فهمتني .

* طبعاً بعد ما يرجوا الورق وكله تمام هتلاقي جواب غايه في الرقه يجيلك بيحدد يوم وتاريخ مقابلتك التاريخيه .

* طبعاً من الطبيعي انت متوتر ومتعصب احب اطمنك لو انت عملت كل ده هيكون معناه انك مرشح لاخذ الفيزا بس الموضوع اجراءات المهم فهمت يارب تكون فهمت .

رابعاً : يوم المقابله

طبعاً انا زي كل اصحاب هنا في المنتدي كنت قلقان جداً لدرجه اني متعششتش المهم طبعاً تصحي قبل الفجر وتصلي الفجر وبعد كده تراجع مع نفسك معلومات عن خطيبتك طبعاً تختلف من شخص الي اخر . التليفون يا حبيبي اوي تنسي تحفظ رقم تليفونها .

1- تلبس الي علي الحبل مش لازم بدله المهم تلبس شيك تكون جنتل مان واكيد كل اصحابي هنا جامدين انا متأكد من كده .

2- اوي اوي اوي تلبس حاجه عليها علم امريكا يعني زي دبوس كده في القميص طبعاً القنصل لازم تكون عارف ان صايع بحر فاهم الاشتغال معناه انترفيو صعب طحن

3- تكون في معيادك بلظبط طبعاً هتتاخر جوه ويطلع عينك بس مش مشكله انت اكيد بتحب خطيبتك استحمل علشانها .

4- فاكر الدبله ولا نستها في البيت اوي البسها في ايدك وخليها ظاهره فهمني اوي تنساها وانت بتستحمه البسها وخليها في ايدك ربنا معاك

5- طبعاًً انت جوة عرين الاسد مش هينفع تخرج الي لما تخلص لازم يكون معاك فلوس يامان خلي معك 100 جنيه للظروف لانك هتدفع 55 جنيه للد اتش ال

خامساً : أسئله الانترفيو K1 fiance visa

طبعاً الاسئله مهمه فاكر بعد ما قولتك صلي الفجر وبعدين راجع معلومات خطيبتك هتستعملها دلوقتي يا صحبي .

انا هقولك علي الاسئله الي ممكن يعني تيجي ماشي طيب :

1- اسم خطبتك ايه
2- عندها كام سنه او ممكن يسأل عن تاريخ ميلاده بالتفصيل يعني لازم تكون ناصح وعارف الاتنين
3- جت مصر امتي
4- اشمعني امريكيه ليه مش اخترت واحده مصريه .... طبعاً لازم تقول يا فالح ايه الي خلاك تحبها فهمت الاختلاف يعني وده طبعاً يرجع ليك
5- هي ساكنه فين
6- اتكلمت معاك عن شغلها ( شغاله ايه ) فين ؟
7- بالنسبه لاختلاف الدين . طبعاً من المفترض ان الدين ليس عاق ف علاقتكم حيث ان الشخص له ان يعبد الله كما يشاء فهمت .

* طبعاً الاسئله علي حسب فهمني المفروض انك عارف كل حاجه عن خطيبتك فاي سؤال اكيد هيكون ليه اجابه عندك . طبعاً ولا تنسي ان التوفيق فقط من عند الله سبحانه وتعالي .

ا .